1. Konferansa xebatkarên jin ên Şaredariyên Gel ên Kantonên Rojava bi dirûşma "Em ê bi pêşengiya jina azad civaka azad û demokratîk ava bikin" pêk tê.

Konferansê îro saet di 10:00 de li navenda Çand û Hunerê ya Aram Tîgran a li bajarokê Rimêlan ê Girkê Legê destpê kir.

Di konferansê de nûner û endamên Şaredariyên Gel û Desteyên Rêveberiyên Herêmî û Şaredariyan ên bajar û kantonên Cizîr û Kobanê amade bûn. Lê nunerên Kantona Efrînê ji ber dorpêça li ser kantonê nekaribûn tevlî konferansê bibin.

Seroka Desteya Jinan a Kantona Cizîrê Emîne Umer, Cîgira Serokê Desteya Rêveberiyên Herêmî û Şaredariyan a Kantona Cizîrê Sema Bekdaş, Hevseroka Şaredariya Gel a Kantona Kobanê Şevîn Mehmûd, Endama Rêveberiya Yekîtiya Star Welîda Botî, Hevseroka Meclîsa TEV-DEM’ê ya Kantona Cizîrê Edalet Umer, Endama Rêveberiya Buroya Têkiliyên Dîplomasî ya YPJ’ê Nûjîn Roj jî di konferansê de amade bû.

Konferans bi rêzgirtinê destpê kir û piştre Hevseroka Şaredariya Gel a Çilaxa Suad Hisên bi xêr hatina delege û mêvanan kir.

Konferansa bi xwendina raporên xebatê û nîqaşa li ser raporan didome.