Têkilî qonaxa ku pêngava, ''Soza me ye; Em Pergala Imraliyê Parçe bikin, bi Rêber Apo re bi azadî bijîn'' hatiye ser, Koordînasyona KJK'ê daxuyaniyeke nivîskî da û diyar kir, bi felsefeya rizgariyê û tevgera Ocalan  têkoşîn hatiye ber qonaxeke nû.

Daxuyaniya Koordînasyona KJK'ê wiha ye: ''Di van şertên faşîzmê de, ku modernîteya kapîtalîst gihaştiye asta bi giştî qira civakê bîne, ne tenê mirovan, hemû nirxên mirovahiyê tine dike, bi felsefeya rizgariyê û tevgera Rêber Apo re, em hatine qonaxeke nû ya têkoşînê. Pêngava azadiyê ku me bi kongreya 8'an a KJK'ê bi dirûşma, ''Soza me ye; Em Pergala Imraliyê Parçe bikin, bİ Rêber Apo re bi azadî bijîn dayî destpêkirin, gihaştiye qonaxeke girîng, bi pêşengiya qadên civakî bûye xwedî aliyên nû.

Rejîma faşîst û qirker di şexsê Rêbertî de, nirxên azadî, demokrasî û mirovî yê civakê desteser dike û êrîşa giran dibe ser. Êrîşên giran ên leşkerî, siyasî, îdeolojîk didomin, mêtingeriya zêhnî û andî tê berbelavkirin. Berxwedana li dijî faşîzmê tim bûye rojeva me ya pêşî, li ser vê bingehê bi pêşengiya Leyla Guven grevên birçîbûnê dest pê kirine û pêl bi pêl berbelav bûne. Greva birçîbûnê û rojiya mirinê ku berxwedan bi serfiraziyê bi encam bûye, bi vîn û hişmendiyeke dîrokî 200 rojî dom kiriye. Rûmeta mirohiyê, eniya nirxên azadî û demokrasiyê bi vê berxwedanê re qeyîm bûye û tûj bûye.

HETA KU AZADIYA RÊBER APO PÊK NEYÊ, TECRÎD BI TEMAMÎ WÊ NEŞIKE

Rêber Apo gotiye divê giranî bidin rêxistiniya civakî, çalakiya civakî, avakariya civakî û bi hîkarî rêveberina têkoşîna demokratîk wê encam were standin û dawî li çalakiyan aniye. Tişta ku dijmin bi tecrîda teqez aramanc dikir ew bû ku hemû civakê di rikiheke hesinî de bi cih bike. Ev rikih hatiye şikandin. Rasteqîninya milîtanî û civakî ya ku bi berxwedanê bi ser dikeve û hêviyê çêdike, bi vê çalakiyê re careke dî derketiye holê. Lê tecrîd îro jî didome. Heta ku Rêber Apo azad nebe, tecrîd bi temamî wê neyê şikandin.

PÊNGAVA ME, TÊ MANEYA RÊXISTINBÛN Û BI TEVGERBÛNA JINÊ

Ev serdem serdema wê ye ku paradîgmaya jinê jidayik bibe û bibe xwedî pergal. Di vê krîz û kaosê de ku em dijîn, êşa bûyina serdemek nû, arinca wê, hovîtiya wê, hilweşîn û geşedanên wê, lehengiyên wê, bi mezinbûn û berzbûnên xwe di nav hev de tê jiyîn. Şerê ku vê sedsalê em dijîn, hovîtiya aqilê mêr nîşan dide. Ev hemû ji bo emperyalîstan dibe şerê rizgarkirina pergala xwe, ji bo çewisandiyan, jinan, gelan dibê şerê avakirina pergala demokrasî û azadiyê. Em KJK dibêjin, ev serdema nû wê bibe serdema jina azad. Em serdemên cidî, xurt ên jinê dijîn. Pêngava, ''Ji bo guherînê û azadiyê tu jî rabe ser piyan'' ku jinan edest pê kiriye, vegotina wê ye ku jin ketine nav rêxistinî û çalakiyê. Li hemû devera Kurdistanê, bi pêngaveke nû, mudaheleya jinan a li pêvajoyê ye. Bi giringiyeke jiyanî ye ku jin ji bo azadiya xwe, ji bo azadiya civakî têbikoşin, li dijî şerê dagirkirinê û siyaseta qirkirinê rawestin, bi gotin û çalakiya xwe bibin xwedî pratîkeke mezin. Em KJK, pêngava, bi dirûşma, ''Ji bo guherînê û azadiyê tu jî rabe ser piyan'' ku li çar parçeyên Kurdistanê û li derveyî welat dest pê kiriye slav dikin. Ev pêngava jinan wê maneya ku me li serdemê bar kirî pratîze bike, bi avakirina azadiya civakî bersiva xwe bibîne. Tevlêbûna jinan a ji hemû beşên civakî û lê xwedîderketina xurt, wê li dijî şerê qirkirina jinê û civakê were maneya ''raweste.''

Pêngav her wiha pêngava avakirina civakî ye. Avakirina civakî bi rêxistiniya qada polîtîk dest pê dike. Rêxistiniya qada polîtîk, tê maneya bi têrîxwekirinê, hişmendiya xwe û xwebûnê li her qada jiyanê mirov bibe kirde. Civakeke ku têrî xwe dike, hewcehiyên xwe tespît dike, kar û barê xwe bi rêk û pêk dike û di vê rêyê de tevdigere, rih û navika neteweya demokratîk e. Ji ber vê jî, avakirin, çêkirin, afirandin û lêkûrbûna ramanî dixwaze û her wiha hewce dike ku bi lêkûrbûnê xwe ji ya berdest mirov xwe xilas bike. Ango bi zekaya azad û nerm şoreşa hişmendî çandî, sincî û wijdanî dikare were kirin. Bi tevgerîna bi rêgeza hişmendiya gewherî, hêza gewherî û têrîxwekirinê û bi avakirina sazûmaniya wê, esaî ye ku mirov bi asta azweriyê pêgirê nirxên demokratîk û jiyana azad be. Pêvajoya avakirina civakî ji vî alî ve, tê maneya azadbûna civakê ya ji hêla zêhnî, çandî, sincî û polîtîk û rêxistinbûnê. Civakeke ku bi vê şêwazê rêxistiniya xwe kirî hem li bara êrîşên dijmin wê têk neçe û hem jî, li dijî dijmin ji ber ku tim wê bi xweparastinê be, wê azadiya xwe jî pêk bîne.