Bernameya çalakiyan li Civata Rojnamevanên Mersînê bi daxuyaniyeke çapemeniyê hate eşkerekirin. Endama platformê Şerîfe Kiliç li vir axivî û got, "Piştî girtina rojname, şaredarî, sêyemîn partiya herî mezin a Tirkiyeyê û komeleyan, êdî li Tirkiyeyê mûxalefet nema ye." Kiliç dest nîşan kir, ku jiyan li Tirkiyeyê êdî ne ewle ye û anî ziman, jinên ku li her qada jiyanê zor û zehmetiyan dikişînin, roj bi roj jiyan li wan diherime û terora dewletê li wan tê kirin. Kiliç got, lazim e her kes zanibe, jin wê bêdeng nemînin.

Di dawiya daxuyaniyê de Kiliç plana çalakiyan a 25'ê Mijdarê eşkere kir û banga tevlîbûnê kir:

- 20'ê Mijdarê, di çarçoveya Kampanya Kirmizi Balon de wê li Navenda Kongreyê ya Mersînê şahiya zarokan bê lidarxistin.

- Di 21'ê Mijdarê de wê li kolana Sanatê, peşangeha ji wêneyên Aynûr Epl a girtî were vekirin.

- 22'ê Mijdarê wê ji jinên girtî re kart werin şandin.

- 25'ê Mijdarê wê li ber Forûm AVM daxuyaniyek ji çapemeniyê re bê dayîn.