Ji bo piştgiriyê bidin gelê li bajarên Kurdistanê yên ji aliyê desthilatdariya AKP'ê ve hatine xerakirin, pêkhateyên KJA' yên Xelfetiyê kampanyayek dan destpêkirin. Kampanya bi rêya Komeleya Piştgirî û Alîkariya Rojava bi pêşengiya pêkhateyên KJA yên Xelfetiyê ve hat destpêkirin û malzemeyên paqijiyê û madeyên jiyanî yên hatine berhevkirin, ji bo bigihêje hewcedaran hatin şandin.

'EM LI BENDA DESTEKA GELÊ XWE NE'

Aktîvîstên KJA'yê eşyayên dan hev li qemyonê bar kirin û li vê derê daxuyaniyek dan çapemeniyê. Aktîvîstan gotin, "Ji bo kampanya piştevaniya Cizîr, Sûr, Silopiya, Farqîn û navçeyên me yên din, em li benda desteka gelê xwe yê welatparêz, mirovên xwedî wijdan û parêzvanên biratiya gelan e. Divê her kesên xwedî wijdan destekê bide kampanyayê. Çawa ku di dema Şengal û Kobanê de gelê me piştgiriyeke xurt nîşan da, heman piştgirî girîng e îro ji bo Sûr, Farqîn, Cizîr, Silopiya û Nisêbînê jî were nîşandan."