Li navçeya Erxenî ya Amedê di pêşengiya KJA'yê de, îşkenceya zayendî ya di bin çavan de li MidÛriyeta Emniyetê ya Amedê, li Şukran Yildiz û Gulîzar Akad hate kirin, hate protestokirin. Endamên KJA'yê û gelek welatî tevlî daxuyaniya li ber Komeleya Jin a SELÎS'ê bû. Sosyologa SELÎS'ê Tulay Bîngol daxuyanî da û diyar kir ku wê jin serê xwe li ber polîtîkayên gefxwarin, tecawiz û tundiyê netewînin û ew ê li ber xwe bidin. 

Bîngol got ku ew ê li hemberî tundî û îşkenceya zayendî bêdeng nemînin û wiha axivî: "Em li hemberî îşkenceya zayendî ya polîsan û feraseta DAIŞ'ê car din kom bûn. Em ê bêdeng nemînin û bi hêsirên çavan bersiv nedin. Jin jiyan e û em ê dev ji vê bernedin."