Meclîsa Jina a Partiya Demokratîk a Gelan (HDP) bi çarçoweya 8'ê Adarê Roja Jinên Kedkar ên Cîhanê li bajarên Kurdistanê (Bakur) û Tirkiyê çalakiyan bike. Çalakî bi dirûşma, ''Em jin li azadiyê rawestiyane, li ser têkoşînê biryardar in'' dawiya Sibatê wê li gelek bajaran dest pê bike.

HDP'ê Yekeşmê bi endamên Meclîsa Partiyê (MP) yên jin  re wê were cem hev. Tê payin bi vê civînê re Koordînassyona Meclîsa Jinan û Berdevkiya Meclîsa Jinan were diyarkirin.

Meclîsa Jinan a HDP'ê xebatên li Kurdistanê xebatên xwe û yên Tevgera Jinên Azad (TJA) kire hevpar.

27'ê Sibatê bi pêşengiya Platforma Jinan a Dersimê wê pîrozbahyên 8'ê Adarê dest pê bike. 

AMED
 28'ê Adarê wê kartan ji bo jinên girtî werin şandin, 1'ê Adarê bi tevlêbûna hevşaredaran panêleke li ser zayendiya civakî were amadekirin, li navçeyên Amedê Erxenî, Farqîn, Hênê, Bislim, Kayapinar, Yenîşehîr û Sûrê wê bi broşûr werin belavkirin û jinan vexwînin mîtîngê.
 4'ê Adarê li gundê Yukari Turali ya  Hênê qerefîl werin belavkirin û dema taştê jin wê werin cem hev.
 8'ê Adarê li Meydana Stesyonê bi tevlêbûna Hevseroka HDP'ê Pervîn Buldan, Hevsesroka DBP'ê Salîha Aydenîz û Berdevka TJA'yê Ayşe Gokkan wê mîtîngek were lidarxistin.

 MÊRDÎN
 Starta 8'ê Adarê ya li Mêrdînê 28'ê Sibatê wê i Nisêbînê dest pê bike, jin wê kartan ji bo jinên girtî bişînin, 3'ê Adarê jin wê serdana xebatkarên jin ên tekstîlê bikin, li Stewrê wê şahiyek were lidarxistin, tevahiya heftiya 8'ê Adarê li navçeyên Artûklû, Qoser û Mehsertê jin werin cem hev.
8'ê Adarê li Qoserê bi tevlêbûna wekîl Pero Dundar wê jin werin cem hev. 
 
STENBOL
29'ê Sibatê li Kartalê wê atolyeya xweparastinê were lidarxistin, 1'ê Adarê bi erbeneyê wê meşek were kirin û belavok werin belavkirin, 2'yê Adarê li Çekmekoyê piştî taştê jin wê belavokan belav kirin û kartan ji jinên girtî re bişînin, 6'ê Adarê li taxa Nîsanca a Fatîhê wê meşeke bi erebenayê were kirin,  7'ê Adarê li ser Kolana Marmarayê ya li herêma 3'yan a Stenbolê wê çalakiya zincîrî were çêkirin, 8'ê Adarê bi tevlêbûna wekîla HDP'ê Zuleyha Gulum, piştî pevgihîna jinan a li Îskeleya Kadikoyê, bi şev tevlî meşa bi şev a Taksîmê bibin.

IZMÎR
 
5'ê Adarê li Îzmîr Alîagayê jin wê werin cem hev, li ser dîroka 8'ê Adarê gotebêjî were kirin, 7'ê Adarê jin li navçeya Bayrakli wê werin cem hev, li navçeya  Karabag wê dema taştê werin cem hev û serdana gorên wan jinan bikin ku di teqîna Garê ya Enqerê de jiyana xwe ji dest dan.
8'ê Adarê li navçeya Torbaliyê wê qerefîl werin belavkirin, bi tevlêbûna wekîla bajêr Serpîl Kemalbay panêlek li ser keda jinê were dayin.

ENQERE
 
8ê Adarê bi hevkariya Platforma Jinan a Enqerê wê mîtîngek were çêkirin. Wê tevlî Meşa Şevê ya Femînîst bini ku 8'ê Adarê li Enqerê wê pêk were.

Her wiha tevahiya heftiya 8'ê Adarê, bi çarçoweya pîrozbahiyên 8'ê Adarê li gelek bajarên Bakurê Kurdistanê û Tirkiyê wê jin werin cem hev, bi meş û mîtîng, bi belavkirina qerefîlan, şandina kartan a ji bo jinên li girtîgehan, bi panêlên li ser ked û têkoşîna jinê wê çalakiyan bikin.

Bi vê çarçoweyê li bajarên Bakur, li  Sêrtê, Şirnexê, Riha, Meletî, Semsûr, Dîlok, Êlihê, Colemêrg, Mûş, Wan, Îdir, Agirî, Bedlîs, Qersê tevahiya heftiya wê 8'ê Adarê bi bernameyên cuda were pîrozkirin.

Li bajarên Tirkiyê, li gel Stenbol, Enqer û Izmîrê, li bajarên wekî Mêrsîn, Edene, Osmaniye, Hatay, Yalova, Bursa, Tekîrdag, Entalya, Denîzlî, Aydin, Mugla, Manîsa, Konya, Eskîşehîrê jî wê 8'ê Adarê were pîrozkirin.