Li paytextê Hindistan Delhiya Nû ku di mehên borî de ji ber sedema tecawiza komî bûyeran rû dabû, bi îdîaya ku bûyerekî heman li dijî keçikekî 7 salî çêbû, qad dîsan zindî bûn.

Hate ragihandin ku, li Semta Mangolpûrî ya Delhiya Nû keçikek 7 salî li dibistanê hatiye tecawiz kirin û keçik rakirine Nexweşxaneya Sajay Gandhî. Piştî nûçe belavbû, qelebalixekî bihêrs li ber nexweşxaneyê kombû, bi polîsan re pevçûn û gelek wesayîtên derdora şewitandin.

Hate ragihandin ku, qelebalixa li ber nexweşxaneyê her ku diçe zêde dibe û pevçûnên di navbera protestovan û polîsan de didome.

Hate diyarkirin ku, li derdora dibistana keçik lê hatiye tecawizkirin ewlehiyek mezin hatiye girtin, hate ragihandin ku, têkildarî bûyerê mamostayên dibistanê û peywirdarên ewlehiyê têne lêpirsînkirin.

Di meha Kanûna borî de, jina ciwan di otobusê de rastî tecawiza komî hatibû û hatibû kuştin. Ev bûyer bibû sedem ku li welat hêrsek mezin çêbibe û bi rojan pevçûnan li Delhiya Nû berdewam kir.