Li gorî lêkolîneke li Fransayê pêk hatiye de ji 10 kesî 8 heb jin li şîrketan rastî gotinên zayendperest tên û hema hema bi heman rêjeyê jin rastî pêkûtiyên zayendê tên.

Ji aliyê şîrketa Harris Interactîve ve lêkolînek hat kirin û di encama lêkolînê de derket holê ku ji bo nêzîkatiya zayendperest ya li dijî jinê kêm bibe hêj gelek tişt divê bên kirin.

 Ji sedî 78 ên (Ji sedî 84 jin û ji sedî 72 mêr)  tevli lêkolînê bûn diyar dikin ku jin rastî gotinên zayendperest tên û ji sedî 73 jî dibêjin jin rastî pêkûtiyên zayendî tên.

Li gorî anketê ji sedî 30 diyar dikin ku di warê girtina kar de jin û mêr wekhev in û sedî 71 jî diyar dikin ku jin û mêr wek hev heqdest digirin.

Dîsa li gorî anketê ji sedî 40 diyar dikin ku di rêveberiyê de jin û mêr wekhev cih digirin û ji sedî 38 jî diyar dikin ku desturên dayikbûnê pêşî li kariyerê nagirin.

Li gorî Enstîtuya Lêkolînê ya Aboriyê ya Fransayê  (INSEE) di navbera heqdestê jin û mêran de ji sala 2010’an şûnde bi rêjeyeke ji sedî 19.1  cudabûn heye.

Li gorî rapora CESE’ê yê jî xizanî zêdetir bandorê liser jinan dike û diyar dike ku bi taybetî jî jinên bi zarokên xwe re dijîn di bin bandora vê de dimînin. Li Fransayê ji 2010’an û şûnde 8,6 milyon kes bi hatineke 964 euro di bin sînorê xizaniyê de dijîn. Ji van 4,7 jin e. Li gorî CESE ji sedî 70 betal jin in.