Ji bo sekinandina komkujiyên li Kurdistanê û derxistina birîndaran ji jêrzemîna avahiya li Cizîrê, endamên Meclîsa Dayikên Aştiyê ev 2 roj in li Enqereyê hevdîtinan dikin. Dayik herî dawî çûn Nûnertiya Neteweyên Yekbûyî (NY) a li Tirkiyeyê, bi rayedaran re hevdîtin kirin û piştre dest bi greva birçîbûnê kirin.

Ji Dayikên Aştiyê Yildiz Bahçecî anî ziman ku rayedarên NY ji wan re gotine, "Eger em bang li Sefîrê Bilind bikin hûn ê qanih bibin? Em dikarin ambûlansê bişînin wê derê, lê pêkane di nava gulebaranê de bimîne." Yildiz li hemberî vê yekê got, "Bi tenê daxwazek me heye; birîndarên li jêrzemîna wehşetê ya li Cizîrê derxînin. Li wê derê bi tenê hêzek ku dikare guleyan li ambûlansê bireşîne heye; ew hêz jî dewlet e."

Greva birçîbûnê ya Dayikên Aştiyê dewam dike.