Çalakiyên 8'ê Adarê Roja Jinên Cîhanê, ku bi şiyara "Ji bo azadiya xwe û Rêberê xwe li ber xwe didin" tên lidarxistin, li navçeya Şirnex Silopiyayê destpê kirin.

Jinên ji Kurdistan û Tirkiyeyê hatin, ji bo bîranîna endamên KJA'yê Sêvê Demîr, Pakîze Nayir û Fatma Ûyar û ji bo silavkirina berxwedanê, li Silopiyayê li hev civiyan. Jin bi şiyara "Li diyarê Sêvêyan, Pakîzeyan û Fatmayan, em xwedî li jin û zarokên hatine qetilkirin derdikevin" bi rê ketin. Tevî hemû astengiyan jî jinan xwe gihandin Silopiyayê û dest bi mîtîngê kirin.

Li mîtîngê dirûşma "Jin jiyan azadî" tê qîrîn. Hevseroka Giştî ya HDP'ê Fîgen Yuksekdag ji beşdaran re diaxive.