Hevşaredarê Depê yê ji DEM Partiyê Cafer Ogûr diyar kir ku li gel wergirtina mazbatayên xwe jî nekarîn belgeyên li şaredariyê îmze bikin.

Partiya Demokrasî û Wekheviyê ya Gelan (DEM Partî) bi rêjeya ji sedî 36.82'an Şaredariya navçeya Depê ya Xarpêtê bi dest xist. Namzetên hevşaredariyê Songul Duzgun û Cafer Ogûr 2 hezar û 925 deng wergirtin. Di sala 2014'an de qeyûm li şaredariyê hatibû bicihkirin. Di hilbijartinên xwecihî yên sala 2019'an de AKP'ê ji sedî 48.1 ê dengan wergirtibû û li Depê bûbû yekemîn. Hevşaredarê Depê yê DEM Partiyê Cafer Ogûr ji ANF'ê re axivî û anî ziman ku gel wergirtina mazbatayê jî nekarîne belgeyên li şaredariyê îmze bikin, hiqûqnas wê yên mayî lêkolîn bikin.

Ogûr diyar kir ku piştî mazbata wergirtin û çûn şaredariyê, şaredarê heyî newêrîbû derkeve pêşiya wan û got, "Rabû û ji nişka ve çû. Xwest ku bi karmendên xwe şaredariyê teslîmî me bike. Bêguman me şaredarî wergirt, lê belê me ti carî mohra xwe dananîn binê wan deyn û karesata ku ji me re hiştine. Piştî ku me her tişt eşkere kir em ê îmze bikin. Li aliyê din eger gelê me di vê pêvajoyê de xwedî li mafên xwe dernekeve wê bi qeyûmekî nû bixwazin êrîş bikin. Divê gelê me timî hişyar be."