Li Ewropayê çalakiyên ji bo şermezarkirina tecrîda li ser Rêberê Gelê Kurd Abdullah Ocalan dewam dikin.

LÎMASSOL

Kurdistaniyên li bajarê Lîmassol ê Qibrisê peyama "Rêber Apo xeta me ya sor e" dan.

Bi banga Navenda Civaka Demokratîk a Kurd (NCDK), Kurdistaniyan li ber Şaredariya Lîmassolê çalakî li dar xistin.

Têkildarî fikarên gelê Kurd ên li ser tenduristiya Ocalan belavok hatin belavkirin û hate xwestin ku parêzer û mlabat tavilê hevdîtinê bi Rêberê Gelê Kurd Abdullah Ocalan re bikin.

MARSÎLYA

Li bajarê Marsîlya yê Fransayê aktîvîstên Tevgera Ciwanên Şoreşger û TÊKO-JIN ji bo Rêberê Gelê Kurd Abdullah Ocalan daketin qadan.

Di çalakiyê de her wiha hevkariya hikumetên Erdogan û Macron a li dijî Kurdan hate şermezarkirin.

Di çalakiyê de alên PKK'ê û wêneyên Abdullah Ocalan hatin hildan.