Kurdistaniyên li Fînlandya dijîn bi munasebeta 43’mîn salvegera damezrandina Partîya Karkerên Kurdistan (PKK) li paytextê Fînlandya Helsînkî bi şahîyekê pîroz kirin.

Pîrozbahî ku ji alîyê Navenda Civaka Demokratîk a Kurd (NCDK) hatibû rêxistinkirin, bi tevlîbûna girseyî ya Kurdistaniyan bi coş hat pîrozkirin. Merasîma pîrozbahiyê bi deqeyek rêzgirtina ji bo şehîdên têkoşîna azadiyê hat destpêkirin. Piştre daxuyanî û peyam hatin xwendin.

Piştî xwendina peyam û daxuyaniyan pîrozbahî bi mûzîk, govend û dîlanan heya derengê şevê dewam kir.