KCDK-E bi wesîleya 4'ê Nîsanê rojbûna Rêber Apo daxuyanî da û diyar kir ku wan 4'ê Nîsanê bi armanca "Civaka Azad û Rêbertiya Azad" pîroz kir.

Di berdewama peyamê de wiha hat gotin: “Rojbûna Rêber Apo gelê Kurd ji pênçê esaret û qirkirinê rizgar kir û bû rojeke civakîbûna heqîqet û edaletê. Bi vê minasebetê em 4’ê Nîsanê li hemû mirovahiyê û gelê xwe pîroz dikin.

Di 76’emîn rojbûna Rêber Apo de hê jî azadiya fîzîkî pêk nehatiye, teqez wê azad bibe û wê bi erka xwe ya dîrokî ya ji bo gelê Kurd û mirovahiyê rabe.

Newroza 2025’an bû mizgîniya vê yekê. Coş û xwedîderketina bi milyonan a Newrozê re girîngî û mîsyona dîrokî ya Rêber Apo nîşanî her kesî da. Ji niha ve wê sala 2025’an bibe sala ku em ê bi Rêber Apo re bên gel hev.

Weke KCDK-E’yê em bang li her kesî û di serî de gelê Kurdistanê dikin ku 4’ê Nîsanê li her derê bi şîara “Civaka Azad û Rêbertiya Azad” pîroz bikin û têkoşîna “Aştî û Civaka Demokratîk” bilind bikin.

Bi vê munasebetê em ji bo azadiya Rêber Apo û hemû girtiyên siyasî seferber bibin.”