Li paytexta Îtalya Romayê li dijî komkujiya li ser gelê Filistînê bi hezaran kes meşiyan. TekoJIN (Jinên Ciwanên Têkoşer) û jinên ciwan ên enternasyonalîst bi wêneyên Rêberê Gelê Kurd Abdullah Ocalan û alên KCK'ê beşdarî meşê bûn.

Piştî meşê jinên ciwan li Zanîngeha Sapienza ya Romayê stand vekirin û pirtûkên Abdullah Ocalan hatin pêşandan. Di standa ku bi sedan kes beşdar bûn de, der barê paradîgmaya Abdullah Ocalan, tecrîda li Îmraliyê û sîstema qirkirinê de agahî hatin dayîn. 

Xwendekarên zanîngehê yên hatin standê pirtûkên Abdullah Ocalan û broşurên agahdarkirinê yên li ser jiyana Abdullah Ocalan stendin. 

Jinan diyar kirin ku xeta Rêya 3’yemîn a Abdullah Ocalan ji bo pirsgirêkên li Rojhilata Navîn û bi taybetî ji bo gelê Filistînê çavkaniya çareserî û hêviyê ye.