Li ser navê DKTM'ê Brûsk Aeverî ku di çalakiya ku gelek kes lê amade bûn de axivî û got, "Têkçûna dijminê mirovahiyê DAIŞ'ê ya li Kobanê, li ser xwîn û canê bi hezaran ciwanên Kurd pêk hat. Gelê Kurd bi vî bedelê giran ku da mirovahî ji xeteriyeke mezin rizgar kir."

Aeverî diyar kir ku dewleta Tirk a dagirker ji bo tola DAIŞ’ê hilîne sûcên li dijî mirovahiyê pêk anî. Aeverî daxuyan ku êrîşî hemû herêmên Rojava û bi taybet Kobanê kir û wiha pêde çû: “Kobanê ya ku DAIŞ têk bir, îro di bin êrîş û gefên dewleta Tirk de ye. Kobanê ji bo hemû mirovahiyê bedelên giran da. Xwedîderketina li Kobanê erka mirovahiya pêşverû ye.”
Çalakî bi stranên Hozan Xanemîr û gerandina govendê bi dawî bû.