Wênevan Sînan Hezer pêşangeha xwe ya dawî ya bi navê ‘Girav’ li bajarê Koln ê Elmanyayê vekir. Pêşangeh li Kulturbunker hate vekirin û 23 tablo hatin pêşkêşkirin.

Hezer di van tabloyan de ji peyamên girîng ên di parêznameyên Rêberê Gelê Kurd Abdullah Ocalan de îlham girt.

Memo Gul û Mazlûm Rewşen muzîk pêşkêşî pêşangehê kirin. Gelek hunermend û siyasetmedar beşdarî pêşangehê bûn.

Hezer wiha got: “Nuqteya min a derketinê plan û krokiyên Girtîgeha Îmraliyê bû. Li vir hucreya Rêbertî ji nêz ve hate hîskirin û dîtin.”

Sînan Hezer ji bo çêkirina tabloyên di pêşangehê de parêznameyên Rêberê Gelê Kurd Abdullah Ocalan dixwîne. Bi taybetî ji sosyolojiya azadiyê pir bandor dibe û vê pirtûkê 3 caran dixwîne. Piştre jî pênaseyên mîna “Teoriya Gulê û Parastina Rewa” û “Îdeolojiya Rizgariya Jinê” ku Abdullah Ocalan di parêznameyê de bal dikîne ser, esas digire û tabloyan amade dike.

Wênevan di hemû tabloyan de plan û krokiyên Girtîgeha Îmraliyê bi kar anîne û di nava her tabloyê de peyamên Rêberê Gelê Kurd Abdullah Ocalan xêz dike.

‘Girav’ wê di demên pêş me de jî li bajarên cuda bê pêşkêşkirin.