Enternasyonalîst û ciwanên Kurd ên ku ji gelek bajarên Ewropayê beşdar bûn, plan dikin ku meşa ku di 10’ê Sibatê de dan despêkirin li bajarê Strasbourg ê Elmanyayê temam bikin.

Çalakvanan di saetên siharê de li pêşiya Stasyona Trenê ya Offenburgê li hev civiyan û ber bi navenda bajarê Offenburgê ve dest bi meşê kirin.

Di tevahiya rojê de zêdeyî 19 kîlometre meşiyan. Di saetên êvarê de jî wê li Navenda Civaka Kurd a Demokratîk a li bajarê Lahrê semînera bi sernavê “Têkoşîna Enternasyonal” bê lidarxistin.

Kesên ku ji welatên cuda hatine jî beşdarî semînerê bibin û nîqaşên li ser têkoşîna hevpar bên kirin.

Roja 5’an a çalakiyê 14’ê Sibatê di saet 08:00’an de li Qada Park Freiburg Golf Dietenbachê destpê bike. Çalakvanan ji kolanên herî qerebalix ên Freiburgê derbas bibin û meşa bi qasî 8 kîlometreyan bikin. Di dawiya rojê de wê li Navenda Civaka Kurd a Demokratîk bernameya bi sernavê “Xwendina Rêbertî” bê lidarxistin.

Roja 6’an a meşê û dawiya wê 15’ê Sibatê di saet 07:00’an de bi otubîsan ber bi Strasbourgê ve here. Çalakvanan wê li cihê meşa navendî ya Strasbourgê li hev bicivin û çalakiyê bi dawî bikin.