Meşên dirêj ên li dijî Komploya Navneteweyî ya 15’ê Sibatê ya li ser Rêberê Gelê Kurd Abdullah Ocalan dewam dike. Baskê Swîsre-Strasboûrgê îro gihiştin Baselê.

Meşvanên baskê Cenevre-Strasbûgr ku siyasetmedar, rewşnebîr, hunermend û nûnerên saziyan jî di nav de 10’ê Sibatê ji pêşiya Ofîsa Neteweyên Yekbûyî ya Cenevreyê starta meşê dabû. Çalakvan piştî meşên li Cenevre, Lozan û Bernê îro gihiştin Baselê.

Meşvanan tevahiya meşê bal kişandin ser komploya li ser Ocalan û peyamên ‘Ji Ocalan re azadî, ji Kurdistanê re statû’ dan. Her wiha di meşê de ji bo pêkhatina yekîtiya netewî jî peyam, semîner û panel hatin dayîn.

Qonaxa Meşa Dirêj a Baselê saet 13:00’an li qada Dreîrosenbruckê hatin bahev û li navendek girîng a bajar û Parlementoya Kantona Baselê bi Elmanî belavok xwendin.

Çalakvanên ku gihan Qada Barfusserplatzê li vir mîtîngek lidar xistin. Piştî peyamên piştevaniyê ya nûnerên partiya Swîsreyî û axaftinên li ser navê saziyan û şûnde, dubare dest bi meşê kirin. Meş wê li qada Dreîrosenbruckê bi dawî bibe. Wê li vir derbasî salona ku hatiye amadekiri bibin û wê di saetên şevê de bi tevlîbûna hunermendên TEV-ÇAND û Navenad Çanda MED’ê konserek bidin.

Çalakvan wê sibe bi otobusan ber bi Strasboûrgê ve bikevin rê.