Metna destûra bingehîn ku ji bo Korsîka 'di nava Komarê de statuya xweseriyê' dide, êvara Çarşemê ji aliyê Meclîsa Korsîkayê ve bi piraniya dengan hat pejirandin.

Wezîrê Karên Hundir ê Fransayê Gerald Darmanîn û 8 nûnerên ku li Korsîkayê meylên cuda temsîl dikin, di nîvê meha Adarê de li ser vê metnê li hev kirin. 

Piştî nîqaşan û beriya dengdanê Serokê alîgirê xweseriyê yê Meclîsa Rêveber a Korsîkayê Gîlles Sîmeonî got, 'kêliyeke demokrasiyê ya pir xurt e.’

Gerald Darmanîn bang li Gîlles Simeonî kiribû û gotibû, "Ji malbata otonomparêz û neteweperest a Korsîkayî wêdetir, divê di nava Meclîsa Herêmê de li hev kirineke berfireh bê kirin."