Ji bo siyasetmedarê Kurd Mûsa Kûrhan ê 71 salî ku berî heftiyekê li Sêrtê li nexweşxaneyê tedawî dibû jiyana xwe ji dest da, li bajarê Winterthur ê Swîsreyê sarsaxî hat danîn. Sersaxî ji aliyê malbata Kûrhan ve li Navenda Civaka Kurd a Demokratîk hat danîn. Hevserokê Enstîtuya Kurd a Swîsreyê Gernas Koçer, siyasetmedar Mûsa Farisogûllari, Mehmet Aslan, Alî Şimşek û gelek welatî tevlî sersaxiyê bûn

Hevserokê Enstîtuya Kurd a Swîsreyê Gernas Koçer axaftinek kir û bal kişand bi ser têkoşîna Mûsa Kûrhan.

Endamê Konseya Rêveber a Koma Civakên Kurdistanê (KCK) Zubeyîr Aydar jî bi telefonê tevlî sersaxiyê bû û sersaxî ji malbata Kûrhan re xwest. Aydar wiha got: “Ji ber şert û mercan min nekarî tevlî sersaxiyê bibim, lê dilê min bi we re ye. Di serî de ji hemû malbata wî, hevalên wî û tevgera azadiyê re sersaxiyê dixwazim. Mûsa Kûrhan bi salan têkoşîn meşand û bavê şehîdekê bû.”

Sersaxî heta saetên şevê berdewam kir.