Kurdên Feylî ku di dîrokê de gelek caran koçberî û komkujî jiyane, her sal di meha Nîsanê de cangoriyên xwe yên salên navbera 1970-1980 bi merasiman bibîrtînin.

Di dîroka xebat û berxwedaniya ji bo azad jiyan kirina Kurdên Feylî (Kurdên Şîa) bi sedan şehîd û ji ber cihêrengiyên xwe bi sedan kesên wan ji hêla komara sêdare ya Îran hatine li sêdare dan û her wiha gelek caran ji hêla diktatorê berê yê Îraqê Sedam Hisên ve nêzîkî 182 hezar kes hatine qetilkirin.

Îsal bi pêşengtiya Yekitiya Demokratîk a Kurdên Feylî ji bo bîranîna cangoriyên xwe yên enfalê semînerek li dar xistin ku tê de gelek rêxistin û kesayetên ji her çar hêlên Kurdistanê beşdar bûn.

Li ser navê KNK’ê Karwan Seîd peyamek da. Seîd wiha got; “Em şehîdên hemû bawermendên cuda yên li ser axa Mezopotamiya bibîr tînin, Kurd ji ber bîr û baweriyên xwe yên olî û herêmî, gelek caran rastî komkujî û tunekirinê hatine.”