Di 12'emîn salvegera çalakiyên Geziyê de, li Guvenparka Enqereyê ku Ethem Sarisuluk lê hatibû qetilkirin, çalakiyek hat lidarxistin. Girse li taxa Kizilay a Çankayayê hatin ba û heta Guvenparkayê meşiyan. Di meşê de dirûşmeyên “Geziyê ji bîr neke û nede jibîrkirin, şehîdên Geziyê nemirin”, “Berxwedana Geziyê di têkoşîna ciwanan de dijî”, “Bijî serhildan bijî Şoreş” û “Hevrê Ethem nemire” û “Dîsa dîsa serhildan” hatin berzkirin.

Di meşê de wêneyê Endamê Şandeya Îmraliyê ya DEM Partiyê û Serokwekîlê Meclîsê Sirri Sureyya Onder hatin hildan. Girseya gel benda polîsan a ku dixwestin pêşiya meşê bigrin şikand û xwe gihandin Guvenparkê. Girseyê li vir daxuyanî da.

Piştî daxuyaniyê polîsan êrîşî girseyê kir. Girseyê bi meşê bersiv da polîsan û heta kolna Konur meşiyan. Li vir carek din polîsan girse dorpêç kir. Girseyê bi dirûşmeyan bersiv da dorpêça polîsan. Piştre çalakî bi dawî bû.