Li bajarê St. Gallen ê Swîsreyê bi pêşengiya Navenda Civaka Demokratîk a Kurd (NCDK-St. Gallen) bi wesîleya salvegera 87'an a Komkujiya Dersimê panelek hate lidarxistin.

Dîroknas Sedat Ulugana weke axaftvan beşdarî panelê bû.

Panelê bi deqeyeke rêzgirtinê ya ji bo bîranîna mirovên di Terteleya Dersimê de hatin qetilkirin û ji bo bîranîna Şehîdên Azadiyê yên Kurdistanê destpê kir. Di panelê de Sedat Ulugana qala pişt perdeya dîrokî ya komkujiyê û bûyerên wê demê kir.

Piştî ku Sedat Ulugana têkildarî mîsyona dîrokî ya Seyîd Riza û armanca dewleta Tirk pêşkêşiyeke berfireh kir, bersiv da pirsên beşdaran.