Li ser banga Tevgera Jinên Kurd a Ewropayê (TJK-E) û Kongreya Civaka Kurd a Demokratîk a Ewropayê (KCDK-E) 150 Kurd ji roja Duşemê û vir ve ji bo rakirina tecrîda li ser Rêberê Gelê Kurd Abdullah Ocalan li pêşiya Konseya Ewropayê dicivin.

Girse saet di 12.00’an de ber bi têketina avahiya Konseya Ewropayê meşiyan û li vê derê zincîra mirovan çêkirin. Di çalakiyê de posterên Leyla Guven û girtiyên ku li dijî tecrîdê çalakiyên fedaî li dar xistibûn, hatin vekirin.

Ji gelek bajarên Elmanya, Fransa, Swîsre, Avûstûrya, Belçîka û Hollandayê nêzî 150 çalakger tevlî çalakiyê dibin. Jin jî di nav de her roj hinek kesên din tevlî çalakiyê dibin.

Kurdên li Ewropayê dijîn ji bo rakirina tecrîda li ser Rêberê Gelê Kurd Abdullah Ocalan li pêşiya Konseya Ewropayê çalakiya rûniştinê dabûn destpêkirin. Çalakî bi coş didome.