Li paytexta Fransa Parîsê, Kurdistaniyan bi coşeke mezin Cejna Newrozê pîroz kir. Pîrozbahiya ku bi hezaran kes beşdar bûn, li banliyoya Villiers-le-bel a Parîsê hat lidarxistin. Qada Newrozê bi alên Rêberê Gelê Kurd Abdullah Ocalan, PKK û KCK’ê hat xemildandin. Di pîrozbahiyê de agirê Newrozê hat vêxistin, stran hatin gotin û govend hat gerandin.

Girseya gel bêyî navber dirûşmeyên “Bijî Serok Apo“, “Newroz pîroz be“ û “Jin jiyan azadî“ hat berzkirin. Di pîrozbahiyê de ji bo giyanê şehîdan rêz hat girtin. Piştre Hevserokê Konseya Kurd a Demokratîk a Fransa Abdullah Ûlmez, Cejna Newrozê ya çar parçeyên Kurdistanê bi taybet li Rêberê Gelê Kurd Abdullah Ocalan, gerîla berxwedêrên zîndanan pîroz kir. Piştre Berdevkê Têkiliyên Derve yê Bakur û Rojhilatê Sûriyê Bedran Çiya axaftinek kir.

Di pîrozbahiya Newrozê de Evîn Goyî, Mîr Perwer û Abdûrrahman Kizil ên di 23’ê Kanûna 2022’an de li Parîsê hatin qetilkirin hatin bibîranîn.

Kurdistaniyan li ber stranên Farqîn Azad, Sûna Alan, Helîmê Omarî, Hozan Farûk û Yakûp Adîktî govend gerand.