Êrîşên dewleta Tirk ên bi çekên kîmyewî yên li ser Başûrê Kurdistanê li banliyoya Villîers-le-Bel a paytexta Fransa Parîsê bi meş û mitîngekî hat protestokirin.

Meş ji aliyê Navenda Civaka Kurd a Demokratîk a Vîllîers-le-Bel (DKTM) ve hat lidarxistin û bi sedan Kurdistanî beşdar bûn. Beriya çalakiya li ber stasyona banliyoyê hat lidarxistin, ji bo bîranîna Şehîdên Azadiya Kurdistanê deqeyek rêz hat girtin.

Di daxuyaniya li ser navê Meclîsa Gel a Kurd de hat destnîşankirin ku çeteyên AKP-MHP'ê yên li hemberî gerîla têkçûn, bi çekên kîmyewî dixwazin encamê bigirin. Di daxuyaniyê wiha hat gotin: “Dewleta Tirk hemû rêgezên hiqûqa navneteweyî binpê dike û li ber çavê cîhanê li dijî gelê Kurd û Gerîlayên Azadiyê qirkirinê dike. sûcê şer dike.Tevî ku belgeyên berbiçav hene jî, OPCW çavên xwe digre û dibe şirîkê qirkirina Kurdan.”

Meş li ber Vîllîers-le-Bel (DKTM) bi daxuyanî û peyamên piştevaniyê yên saziyên cuda bi dawî bû.