Li banliyoya Melun a li paytexta Fransa Parîsê, bi pêşengiya Tevgera Ciwanên Şoreşger (TCŞ) ji bo protestokirina Komploya Navneteweyî 15’ê Sibatê ya li hemberî Rêber Apo, meşa meşaleyî hate lidarxistin.

Meclîsa Gelê Kurd a Evry piştgirî da çalakiyê. Çalakî li ber gara Melun destpê kir. Di meşê de pankarta “Hezar car silav ji te re Serok Apo” hate vekirin û yek ji parlamenterên Partiya Çep a Melunê jî beşdarî meşê bû û anî ziman ku ew ê pêvajoyê jinêz ve bişopînin.

Ciwanên ku heta qada Place bi rengekî coş meşiyan, li vir ji bo bîranîna sivîlên li Bendava Tişrînê hatine qetilkirin û Şehîdên Azadiya Kurdistanê deqeyek rêz hate girtin.

Li ser navê ciwanan daxuyanî hate dayîn û wiha hate gotin: “Em ciwanên Rêber Apone û çi dibe bila bibe em bi wî re ne.” Di daxuyaniyê de hate diyarkirin ku tevlîbûna xurt a li pêvajoyê, wê destpê Rêber Apo xurt bike.

Piştî daxuyaniyê ciwanan ji bo meşa mezin a ku wê di 15’ê Sibatê de li Strasbourgê were kirin, bang kirin û destnîşan kirin ku divê her kes di rojeke wiha girîng de li Strasbourgê kom bibe.

Çalakî bi berzkirina dirûşmeyên “Bijî Serok Apo” û “Bê Serok jiyan nabe” bi dawî bû.