Li gorî daxuyaniya polîsên xwecihî, li bajarê Munîh ê li başurê Elmanya wesayîtek pêl komek mirov kiriye û di encamê de ‘çend kes’ birîndar bûne. Hat ragihandin ku hêzeke mezin sewqî cihê bûyerê hatiye kirin.

Li gorî çapemeniya Elmanyayê 15 kes birîndar bûne. Li gorî Suddeutsche Zeitungayê jî jinek jiyana xwe ji dest daye. Bûyer li Stîglmaîerplatzê di dema xwepêşandanê de, pêk hatiye.

Polîsên xwecihî, ragihandin ku ajokar ‘girtine bin kontrolê.’ Di lêpirsîna polîsan de hewl tê dayîn ku rewş bê zelalkirin ka ajoker bi zanabûn pêl girseyê kiriye ango qezaye.

Hat ragihandin ku bûyer li kêleka xwepêşandaneke mezin a bi navê Sendîkaya Xizmetên Yekbûyî Ver.dî pêk hatiye. Di vê xwepêşandanê de xebatkarên şaredariyê daxwaza zêdekirina mûçe, îkramiye û destûra zêde dikirin.

Serokê Şaredariya yê SPD’yî yê Munîhê Dieter Reiter, diyar kir ku ew li hemberî bûyera pêk hatî matmayî bûne.