Li Marsîlyayê ciwanan çalakiya bêîtaetîya sivîl li dar xistin
Li bajarê Marsîlya yê Fransayê desteserkirina şaredariyên Amed, Wan û Mêrdînê bi çalakiya bêîtaetiya sivîl hate protestokirin.
Kurdistaniyên li bajarê Marsîlya yê Fransayê îro jî li qadan bûn.
Îro jî endamên Tevgera Ciwanên Şoreşger çalakiyeke bêîtaetiya sivîl li dar xistin.
Çalakî li îstasyona Marsîlyayê hate lidarxistin û pankarta ‘Dewleta Tirk a faşîst destê xwe ji şaredariyan bikişîne’ hildan û posterê Rêberê Gelê Kurd Abdullah Ocalan hate vekirin.
Di çalakiyê de sloganên ‘Erdoganê dîktator’ û ‘Erdoganê qatil’ hate berzkirin.
