Çalakî ji aliyê rêxistinên cuda ve ku li jêr navê "Tora Piştgiriya Kurdistanê" hev girtine, hat organîzekirin. Ji bo diyarkirina nerazîbûna xwe li dijî siyaseta Tirkiyeyê ya li hember Kurdan û nêzîkbûna Fînlandiyayê li gel Tirkiyeyê li ser bazara navbera her du welatan di pêvajoya tevlîbûna NATO’yê ya Fînlandiyayê de. 

Navê rêxistinên ku çalakî organîze kirin, wiha ne: “RiseUp4Rojava Finland, A-ryhmä, Kurdien demokraattinen yhteisökeskus NCDK, Vasemmistonuoret, Aurora Helsinki, Vapaa Palestiina, Rauhanpuolustajat, Emilia Helsinki ja Antifasistiset kapinalliset”

Aktîvîstan li qada dêra spî ya mezin civiyan û ber bi balyozxaneya Tirkiyeyê ve bi rê ketin.

Gava meşê, girseyê rêya xwe bi ber ber Wezareta Parastinê ya Fînlandiyayê jî xist. Koma muzîkê, a rhythm of resistance jî bi muzîka xwe tev li meşê bû. Çalakgeran, bi dirûşmeyên ‘’Jin Jîyan Azadî!’’, ‘’Erdoganê terorîst! ‘’Na bo çekdayîna Tirkiyeyê!’’, ‘’Erdogan û Putîn her du wek hev in, Bijî berxwedana gelê Kurd!’’ û ‘’Bijî PKK!’’ heya ber balyozxana Tirkiyeyê meşiyan. Li wir polîsan nehişt çalakger nêzê balyozxaneyê bibin û hişt ku li Parka pêşiya wê li çalakiya xwe dewam bikin.

Daxuyaniyên rêxistinên cuda hatin dayîn û kesayetên siyasî yên naskirî û aktîvîstên çep ên wek Veronika Honkasalo û Geşaw Bibanî jî daxuyaniyên xwe dan û piştgiriya xwe ji bo berxwedana gelê Kurd nîşan da û kiryarên dewleta Tirk ên li dijî mirovahiyê şermezar kirin. Li çalakiyê performansek ji bo nîşandana kiryarên nemirovî yên dewleta Tirk û Erdogan hat nîşandan. Li performansê xwest maketa Erdogan bişewitînin lê polîsên hêza taybet midaxele kir û maket ji dest çalakgeran derxist.

Çalakî, heya demekê bi dirûşmeyên li dijî kiryarên Tirkîyê û piştgiriya bi tekoşîna gelê Kurd re, berdewam kir.