Li Ewropayê 34 saziyan li dijî qeyûman banga têkoşînê kirin
Li Ewropayê ji 30'î zêdetir partî û rêxistinên civaka sivîl, li dijî desteserkirina şaredariyên HDP'ê banga têkoşîna hevpar kirin.
Li Ewropayê ji 30'î zêdetir partî û rêxistinên civaka sivîl, li dijî desteserkirina şaredariyên HDP'ê banga têkoşîna hevpar kirin.
34 saziyan daxuyaniyeke hevpar dan, gotin, bi têkoşîna hevpar ew ê êrîşa qeyûman bişkînin.
Di daxuyaniya saziyan de, ku di nav wan de KCDK-E, AvEG-KON, Insîyatîva yên ji Behrareş a Ewropayê, organîzasyonên dînî, Asûr û Sûryanî hene, bal kişanin ser dagirkeriya qeyûman a li ser şaredariyên mezin ên Amed, Wan û Mêrdînê û hate gotin, ''Dîktatoriya faşîst a Erdogan, vîna gel desteser dike. Şaredariyên mezin ên Amed, Wan û Mêrdînê 19'ê Tebaxê dîsa bi darbeya qeyûm hatin dagirkirin.''
Bi berdewamî hate gotin gelê Kurdistanê li gel hemû zext û zordarî, tundî, çavtirsandin û gefen dewleta Tirk jî 31'ê Adarê di hilbijartinê de polîtîkaya qeyûman parçe parçe kiriye û şaredariyên ku hatibûn desteserkirin dîsa standin.
Bi berdewamî hate gotin ji 2015'an û vir ve di serî de li ser gelê Kurd, ev êrîş li Tirkiyê li ser şoreşger, pêşverû û wan hemû kesan e ku li serê xwe ji faşîzmê re natewînin û parçeyek ji polîtîkaya şerê gemarî ye, li dijî hemû dilxwazên azadî û demokrasiyê ye. Bi berdewamî hate diyarkirin, hêleke dî ya van êrîşan ew e ku tam di wê demê ye ku gefên dagirkeriya li ser Rojava pir têne kirin û haziriya leşkerî ya li ser sînor hatiye zêdekirin.
34 organîzasyonan gotin, ''Em saziyên demokratîk ku li Ewropayê têdikoşin, em diyar dikin ku em vê êrîşa dîktatoriya faşîst a AKP/Erdogan a li ser gelê me, li dijî vîna demokratîk a gelê me yê Kurd qebûl nakin û em ê qebûl nekin û bi tundî şermezar dkin. Em dixwazin şaredarên ku hatine hilbijartin demildest peywira wan dîsa li wan were vegerandin.
Em diyar dikin, ji bo ku em darbeya qeyûm têk bibin û koalîsyona şer a AKP-MHP'ê bavêjin ser sergoya dîrokê, em ê têkoşîna li Tirkiyê û Kurdistanê, li Ewrpayê bi helwest û pratîka yekbûyî xurt bikin.
Em careke dî dewletên Ewropayê ku desteka leşkerî, siyasî û aborî didine dîktatoriya faşîst a Erdogan û hevkarên sûcê wê şermezar dikin.
Em bang dikin ku li dijî êrîşa dîktatoriya faşîst Erdogan, ku dijminê koçberan û hêzên demokrasî yên xwecih e, li dijî dagirkeriya li ser şaredariyan em li Ewropyê li hemû qadan bi girseyî derkevin kuçeyan û protesto bikin.''
Navê sazî û rêxistinên daxuyanî îmzekirine.
KCDK-E ( Kongreya Civaka Kurdistaniyên Demokratîk li Ewrpayê)
Nûnertiya Dêra Ortodox Suryan Asûriyên Îskandinavya û Ewrpopyê
AvEG-KON( Konfederasyona Penaberan Bindest ên Ewropa )
TJK-E ( Tevgera Jinên Kurd li Ewropayê)
ESU ( Yekîtiya Suryanên li Ewropa)
PIK ( Partiya Îslama Kurdistan)
NOR-ZARTONK Ewropa ( Rêxistina Ermenî)
ATIK ( Konfederasyona Karkerên Tirkiyeyî li Ewropa)
Înîsyatîfa Karadeniziyên Ewropayê
ADHK (Konfederasyona Gelên Demokratîk ên Ewropa)
Partiya Şoreşger-Ewropa
Tevgera Yenî Kadin (Jina Nû=
NAV-YEK (Federasyona Komeleya Êzidiyên Ewropa)
Partiya Çep a Kesk: Ewropa
KKP ( Partiya Komunîst a Kurdistan)
MSD ( Meclîsa Şengal Diaspora)
CÎK ( Civaka Îslamiya Kurdistan)
SKB ( YekÎtiya Jinên Sosyalîst)
Yaşanacak Dunya (Cîhana bê Jiyîn)
Mala Gel a Kurdistan e.V.
FIDEF( Federasyona Komeleya Karkerên Federal Elmanya)
FEDA (Federasyona Demokratîk a Elewiyan)
ASM ( Meclîsa Sirgunên Ewropa)
Platroma Koçgiriyên Ewropa
Kongreya Ji Nû ve Avakirina Dersimê
Kurdische Gemeinde Stuttgart e.V
(Forma Aşitî Ewropa ya li Dijî şer û Dîktatoriyê)
Kongreya Gel (Asûrî - Suryanî)
MDDK (Kongreya Guhertina Demokratîk a Mezopotamya )
Komeleya Alternatîf a Elmanya
Partiya Azadî ya Mezopotamya (Partiya Asûrî)
Komeleya Piştevaniya bi Mezopotamya
Centrûm Çanda Mezopotamya
Kurdische Gemeinde zu Berlin-Brandenburg e.V.