Li ber Parlementoya Swêdê ji bo azadiya Ocalan çalakiya kon

Kurdistaniyên li Stockholmê, ji bo azadiya Rêberê Gelê Kurd Abdullah Ocalan li ber Parlementoya Swêdê çalakiya kon lidar xistin.

Îro seat derdora 14:00’an Kurdistaniyên li Meydana Mynttorget a li ber Parlementoya Swêdê hatîn gelhev, ji bo azadiya Rêberê Gelê Kurd Abullah Ocalan ji bo 2 rojan çalakiya kon lidar xistin.

Di çalakiyê de çalakgeran wêne û filamayên Rêber Ocalan hilgirtin, di derbarê tecrîda li ser Rêberê Gelê Kurd Abdullah Ocalan û qetlîamên dewleta Tirk de belavok belavkirin û dirûşmeyên “Ji Ocalan Re Azadî” û “Bijî Serok Apo” berz kirin.

Çalakiya kon wê sibe jî (27’ê Sibatê Şemiyê) dom bike. Navenda Demokratîk a Kurd a Swêdê bang li Kurdistaniyên li Stocholmê kirin ku sibe tevlî çalakiya ku seat navbera 14:00-18:00’an bê lidarxistin bibin.