Di operasyonên ku li bajarê Reggio di Calabria yê Îtalyayê û derdora wê hatin kirin de, 25 gumanbar hatin binçavkirin û 43 kes jî hatin lêpirsîn.

Li gorî rayedaran, çeteyan di navbera salên 2017 û 2022’yan de ji Tirkiyeyê ber bi Îtalyayê ve bêhtirî 30 seferên keştiyan organîze kirine. Li ser van rêyan, carinan jî bi keştiyên qerebalix, nêzîkî 2 hezar koçber ber bi Îtalyayê ve hatine veguhastin.

Hat ragihandin ku tora çeteyan bi pereyên ji koçberan hatine girtin 10 mîlyon euro qezenc kirine û hat gotin ku sêyeka vê pereyê ji aliyê hêzên ewlehiyê ve hatiye desteserkirin.

Hat ragihandin ku kesên hatine binçavkirin û lêpirsîn li ser wan hatiye kirin, bi eslê xwe Tirk, Gurcistanî, Ukraynî û Moldovayî ne.

Îtalya di navenda rêyên koçberiyê yên ji Rojhilata Navîn û Efrîkayê ber bi Ewropayê ve diçe de ,cih digire. Di şeş mehên ewil ên sala 2025’an de bi qasî 30 hezar koçber gihîştin peravên Îtalyayê.