Li başûrê Fransayê li ber şaredariya Martiguesê meşa dirêj a 3 rojan destpê kir. Meşa ku her sal bi armanca şermezarkirina komploya navneteweyî tê lidarxistin, bi deqeyek rêzgirtina ji bo şehîdên şoreşa Kurdistanê destpê kir.

Di çalakiyê de bi zimanên Kurdî, Fransî û Tirkî daxuyaniyên çapemeniyê hatin dayîn.

Di daxuyaniyan de bal hat kişandin ku divê azadiya fîzîkî ya Rêber Apo bê misogerkirin û pirsgirêka Kurd bi rêyên demokratîk bên çareserkirin.

Hat ragihandin ku ji bajarên Draguignan, Montpellier, Avignon û Moarignane girse tevlî meşê bûne.

ROJA DESTPÊKÊ

Di roja destpêkê de meşa ku bi beşdariya 123 kesan pêk tê, wê li ber Şaredariya Marîgnane bi dawî bibe.

Beriya meşê çalakgeran belavokên bi daxwaza "Ji Rêber Apo re Azadî, ji Kurdistanê re Statu" belav kirin û daxwazên gelê Kurd ji raya giştî ya Fransayê re ragihandin.

Di meşê de bênavber dirûşmên "Ji Rêber Apo re azadî" hatin berzkirin. Li vir coş û biryardariya çalakgeran bal kişand.

FÎNALA GIRSEYÎ

Di roja duyemîn de meş wê li Marignane destpê bike û li herêma La Viste ya ketina Marsîlyayê bi dawî bibe.

Roja sêyemîn jî wê li navenda bajarê Marsîlyayê bi tevlîbûna bi hezaran kes meşeke girseyî ya mezin bê lidarxistin.