Kurdistaniyên li paytexta Swîsre Bernê dijîn, têkildarî bikaranîna gazên jehrî û çekên kîmyewî yên dewleta Tirk a li ser Herêmên Parastinê yên Medyayê bi saziyên rêxistinên civaka sivîl, saziyên mafê mirovan û partiyên siyasî re civiyan.

Şandeya ji Endamên Navenda Civaka Kurd û Meclîsa Jinan a Mizgîn pêk dihatin, di serdanên xwe yên ji roja Duşemê û vir ve dikin, dosyayên têkildarî bikaraîna gazên jehrî, qirkirina xwezayê û sûcên li dijî mirovan banga mudaxeleyê kirin.

Şande roja Duşemê bi Mafê Mirovan a Kantona Bernê, Rêxistina Efû ya Navneteweyî û Nûnerên Xaça Sor a Bernê re hevdîtin kir û dosya pêş kêş kir.

Kurdistaniyan îro jî serdana ACAD a Organîzasyona Mafê Mirovan a Serbixwe (Die Aktion der Christen für die Abschaffung der Folter) kir.

Kurdistaniyan piştre serdana Partiya Demokratîk a Sosyalîst û Nûnerên Keskan a Bernê kirin. Kurdistaniyan daxwazên xwe yên têkildarî lêkolîna bikaranîna çekên kîmyewî pêşkêş kirin, sosyayên amade kirin, pêşkêşî rayedaran kirin.