Şahî roja Yekşemê li Parka Halle Sud hate lidarxistin û Kurdistaniyên ji çar perçeyên Kurdistanê û dostên xwe bi berzkirina dirûşmeya ‘’Bijî Rêber Apo’’ berê xwe dan qada şahiyê.

Şahî bi merasîma rêzgirtinê destpê kir û piştre têkildarî girîngiya Cejna Newrozê ya ji bo gelê Kurd axaftin hatin kirin.

Hevserokê Kon-Med’ê Kerem Gok diyar kir ku gelê Kurd Cejna Newrozê bes ne weke şahiyekê di heman demê de weke sembola azadî û berxwedanê pîroz dike. Gok bal kişand ser pergala tecrîdê ya Îmraliyê û ji bo bidawîbûna şer û avakirina civakeke demokratîk bang kir. 

Hevserokê Fed-Kurd’ê Menderes Cenbeg jî bal kişand ser têkoşîna gelê Kurd a bi sedsalan û destnîşan kir ku wê li hemberî hewlên bişaftinê yên hêzên dagirker têkoşîn dewam bike û got: ‘’Me tu carî dev ji têkoşîna xwe berneda û ji niha şûnde jî em ê Cejna Newrozê weke cejna berxwedanê pîroz bikin.’’

Şahî bi stran û gerandina govendên geş heya derengiya şevê dewam kir.