Kurdan li Helsîngborgê Newroz pîroz kirin
Kurdistaniyên li Helsîngborg û derdora wê dimînin, ji bo pîrozkirina Newrozê li Helsîngborgê li hev kom bûn.
Kurdistaniyên li Helsîngborg û derdora wê dimînin, ji bo pîrozkirina Newrozê li Helsîngborgê li hev kom bûn.
Salona pîrozbahiya Newrozê bi wêneyên Rêberê Gelê Kurd Abdullah Ocalan, alên YPG, YPJ û tevgera jinê hate xemilandin.
Bernameyê bi deqeyeke rêzgirtinê ya ji bo bîranîna şehîdên Kurdistanê destpê kir. Têkildarî tecrîdê û rewşa siyasî ya li Kurdistanê axaftin hatin kirin. Partiya Çep a Swêdê jî di pîrozbahiyê de piştevaniya xwe nîşan da.
Hunermend Farîboûz, Lawîn Kobanî, Cemal Rojhilatî, Hozan Canê û Diyar Dersim derketin ser dikê û hunera xwe pêşkêş kirin.
Kurdistaniyên ku bi kincên xwe yên gelêrî tevlî pîrozbahiyê bûn, govend gerandin.
Di pîrozbahiyê de ji bo azadiya Rêberê Gelê Kurd Abdullah Ocalan û piştgiriya bi berxwedana li Kurdistanê dirûşm hatin qîrîn.