Meclîsa Kurdistaniyên Azad, Meclîsa Jinan a Dest-Dan, tevgerên ciwanan TCŞ û TEKO-JIN, PYD, nûnerên Partiya Komînîst a Kurdistan û komên enternasyonalîst tevlî çalakiya protestoyî bûn.

Di çalakiyê de li ser navê Hevserokê Meclîsa Kurdistaniyên Azad, Parlementerê Parêzgeha Dîe Lînke Hakan Taş, aktîvîsta KJA Zozan Serhat, rêxistina sêwana Meclîsa Jinên Êzidî, Meclîsa Jinan Dest-Dan û Tevgera Şoreşgerî ya Yekbûyî ya Gelan axaftin hatin kirin.

Çalakgeran serdana Wezîrê Paratinê yê Tirk Hûlûsî Akar ê ku berpirsê şer, dagirkerî û qetlîamên li Kurdistanê hatîn pêkanîn şermezar kirin û bertek nîşan dan ku ev serdan nayê qebûl kirin.

Di dema çalakiyê de tevgera jinên Kurd di çarçoveya kampanyaya “100 sedem ji bo darizandina dîktator” îmze kom kirin.

Çalakî bi berzkirina dirûşmeyan bi dawî bû.