Bi pêşengtiya Tevgera Ciwanên Şoreşger (TCŞ) li bajarê Lavrîo ya Yewnanistanê bi meşeke girseyî komploya 9’ê Cotmeha 1998’an a li ser Rêbêrê Gelê Kurd Abdullah Ocalan şermezar kirin.

Meşa bi tevlîbûna sedan kesî ji pêşiya kampa Lavrîoyê destpê kir posterên Rêberê Gelê Kurd Abdullah Ocalan, alên PKK, KCK’ê hatin hildan û bê navber dirûşmên şermezarkirina komploya navneteweyî hatin qîrkirin, têkildarî komployê belavok belav kirin. Welatiyên bajar jî bi çepik û tilîliyan piştgirî dan meşê. Meş li qada bajar veguherî mîtîngekê.

Li vir li ser navê TCŞ Serhet Erzirom axivî û diyar kir ku komploya navneteweyî vîna gelê hejar kir hedef. Erzirom destnîşan kir ku komplo bi berxwedana Îmralî hate valaderxistin.

Çalakî bi dirûşman bi dawî bû.