Di çarçoveya pêngava ‘Dem dema azadiyê ye’ ya 1’ê Mijdarê hatibû destpêkirin li paytexta Swîsre Bernê bi pêşengtiya aktivîstên Meclîsa Jinan a Mizgîn û Meclîsa Şehîd Atakan Mahîr a Bernê standa agahdarkirinê hate danîn.

Di çalakiyê de tevahî rojê belavokên ku daxwaza azadiya Rêberê Gelê Kurd Abdullah Ocalan dike hatin belavkirin.

HÎLDESHEÎM

Bi heman armancê li Hîdesheîm a Elmanyayê mîtîngek hate kirin. Di mîtîngê de daxwaza azadiya Rêberê Gelê Kurd Abdullah Ocalan hate kirin. Mîtînga ku Tev-Çandê organîze kir, NCKD Hîldeshîm, Komuna Jinan a Meryem û Meclîsa Jinan a Berçem Cîlo ya Slagîtterê jî desek kir. Mîtînga ku saet 17:00’an li Qada Angoûleme destpê kir saetekê dom kir.

DÛÎSBÛRG

Li Dûîsbûrg a Elmanyayê ji bo azadiya Rêberê Gelê Kurd Abdullah Ocalan pankart û afîş hatin daliqandin.

DUSELDORF

Tevgera Ciwanên Şoreşger li Dusseldorfê li gelek cihan afîş û pankart daliqandin. Ciwanan bi deriyê Sefaretxaneya Tirk ve jî pankart daliqand.

BENSHEÎM 

Jinên ciwan ên Têkoşer û Tevgera Ciwanên Şoreşger li Bensheîm a Elmanyayê li gara tren û navenda bajar saet 17:30'î çalakiyek kirin. Di çalakiyê de ciwanan li ser pirekê pankart daliqand.