Ciwanên ji Tevgera Ciwanên Şoreşger (TCŞ) û Tevgera Jinên Ciwan ên Têkoşer (TekoJIN) li dijî 'qirkirina çandî' ya polîtîkayên şerê taybet ên dewleta Tirk a dagirker li hev kom bûn.

Çalakî li Hambûrgê pêk hat û di şexsê Şehîd Erdal Şahîn û Şehîd Rojhat Zîlan de ji bo bîranîna şehîdên Kurdistanê bi deqeyeke rêzgirtinê destpê kir.

Bi navê amadekaran Sema Aydin axivî û got, "Çand çavkaniya bingehîn a civakê ye. Mejiyê desthilatdar ê AKP-MHP'ê ya faşîst, êrîşî çanda gelê Kurd dike. Armanc ji vê yekê asîmîlekirin û tunekirina gelê Kurd e."

Sema Aydin got, "Weke ciwanên ji TCŞ'ê em ê çand û zimanê xwe li hemberî polîtîkayên şerê taybet biparêzin."

Ciwanan li ber stranên hunermendên derketin ser dikê govend gerandin û dirûşmên "Bijî Serok Apo", "Bijî Berxwedana Gerîla" û "Bê Serok Jiyan nabe" qîriyan.

Piştî çalakiyê ji bo meşa 'Rêwîtiya Azadiyê' ya 9'ê Sibatê li bajarê Mannheîm ê Elmanyayê destpê bike, banga tevlîbûnê hate kirin.