“Armanca komployê ev bû ku di şexsê Rêber Abdullah Ocalan de hêviya gelê Kurd û tevgera azadiyê ya Kurdan hilweşîne û dahatûya gelê Kurd reş bike. Komploya 15’ê Sibatê ji bo gelê Kurd gelekî talûke bû. Desthilatdariya faşîst a AKP û MHP’ê îro vê komployê didomîne.  Xwedîlêderketina Rêber Apo xwedîderketina li gelê Kurd e. Azadiya Rêber Apo azadiya gelê Kurd e.

Ji bo azadiya Rêbertî, gel û welatê me kampanyaya nameyan a ji NY re, kampanyaya ‘Ji bo darizandina Erdoganê dîktator 100 sedem’ hatibûn destpêkirin. Di 1’ê Sibatê de jî li gelek eyaletên Evûstralyayê ji bo azadiya Ocalan wê bi beşdariya dostên enternasyonalîst û ciwanên Kurdistanê wê çalakî werin lidarxistin. Divê em bi awayekî herî xurt tevlî van çalakiyan bibin. Di heman demê de wê li gelek bajarên cihê yên Evûstralyayê li cihên qelebalix stand werin vekirin.

Em DKTF, Bloka Demokrasî û Aştiyê ya Melboûrneyê , Australians For Kurdistan, Solidarity with Rojava WA, Solidarity with Rojava NSW û Yekîtiya Jinên Kurd a Vîktoryayê em ê xwedî li kampanyayan derkevin.”