Dagirkirina şaredariyên HDP’ê li Londonê hate protestokirin
Desteserkirina şaredariyên Amed, Wan û Mêrdînê ya ji aliyê rejîma AKP/MHP’ê ve li Qata Trafalgar a Londonê bi çalakiyekê hate protestokirin.
Desteserkirina şaredariyên Amed, Wan û Mêrdînê ya ji aliyê rejîma AKP/MHP’ê ve li Qata Trafalgar a Londonê bi çalakiyekê hate protestokirin.
Li ser banga Yekîtiya Hêza Demokratîk a Brîtanyayê girseya ku li Qada Trafalgarê hatin ba hev desteserkirina şaredariyên Amed, Wan û Mêrdînê protestokirin.
Di daxuyaniya li ser navê Yekîtiya Hêza Demokratîk a Brîtanyayê hate kirin de, hate gotin ku ti rewabûna hikûmeta AKP’ê nemaye, ev desthilat dixwazin vîna gel desteser bikin û encamên ku li ser sindoqan bi dest nexistine dixwazin bi şidet, zorê û desteserkirinê bidest bixe.
Hevşaredarê berê yê bajarê mezin ê Amedê Osman Baydemir di çalakiyê de aixivî. Baydemîr diyar kir ku zext û hewldanên desteserkirinê ya gelê Kurd ji aliyê kalikên desthilatê ve hatine kirin ê bi ser neketine, ew jî bi ser nakevin. Kurdistan xwedî dîrokeke qedîm a berxwedanê ye. Em li kû dibin bila bibin em ê li ber xwe bidin. Hêza kesê têrê nake Kurdistanê dagir bike. Rojê derxistina dagirkeran ji Kurdistanê nêz e.”
Piştî axaftinan girse ji Qada Trafalgarê ber bi avahiya serokwezîriyê û ji wir jî ber bi avahiya Parlementoya Qiralyeta Yekbûyî ve meşiyan. Meş li pêşiya parlementoyê bi dawî bû.