Ji bo girtina ber li îsrafê, pêşnûmayek pêşkêşê Yekitiya Ewropayê hat kirin. Li gor daneyên Eûrostatê, sala 2020’î ji ber her mirovekî 131 kîlo bermahiye maye. Ji dehan yekê xwarinên restoran û malan hatiye avêtin.

Alîkarê Serokê Komîsyona Ewropayê Frans Tîmmermans, got: “30 milyon Ewropayî ji du rojan carekê encax xwarineke baş dixwin û birçîbûn ku li dinyayê ewqas zêde bûye, nabe ku ewqas îsraf çêbibe.”

Li gor pêşnûmayê, divê her dewleteke ku endama YE’yê ye, divê ji berhamiyên xwe yên ji ber dexil û dan dimînin ji sedî 30 kêm bike.

Ji bo bigihîjin vê armancê, wê dewlet bikarin bernameyên xwe yên girtina ber li îsrafê bi kar bînin.

Pêşbîniya komîsyonê ew e ku ger plan pêk bê wê her malbateke bi çar kesan bikare rê li ber îsrafa bi 400 Euroyan bigire.