Kesên di komkujiya Ermenan de jiyana xwe ji dest dane li Ewropayê têne bibîranîn. Li Paytexta Belçîka Brukselê girseya gel li pêşiya Abîdeya Komkujiyê li hev civiyan û kesên di komkujiyê de jiyana xwe ji dest dane, hatin bibîranîn.

Di merasîma bîranînê de, Seroka Komîteya Ermenan a Belçîkayê Karen Tadevosyan, Balyozê Ermenistanê Tatûl Markarîna, Serokê Şaredariya İxelles Dominique Dufourny, Serokê Parlamentoya Frankofan a Brukselê Julie de Groopte, Serokê IBUKA Deogratias Mazina, Rahip Mûsa Yaramis, Endamê KNK'ê Adem Ûzûn axivîn.

Di axaftinan de hat gotin ku pêwîst e komkujiya Ermenan wekî qirkirin bê naskirin û bal hat kişandin ser dema ku neyê naskirin wê komkujî berdewam be. Ev rewş ji bo bajarên rojava ji derbasdar e û wiha hat gotin; "Polîtikaya bingehîn a dewleta Tirk nenaskirina komkujiya Ermenan e. Ev nenaskirin polîtîkaya neteweyî ya Tirkiyeyê ye."