Şaredariya Amsterdamê, li dijî bikaranîna tiryakê û vexwarina zêde ya alkolê ya geştyaran li kampanyayan didomîne.

Armanca kampanyayê ew e ku geştyar bi tenê ji bo çêkirina partiyê, bikaranîna tiryakê û vexwarina alkolê neçin Amsterdamê.

Li gor daxuyaniya çapemeniyê ya şaredariyê, armanca kampanyayê, xortên ciwan ên Îngilîz ên navbeyna 18 û 35 salî ne.

Di daxuyaniya çapemeniyê de wiha hat gotin: ‘’Ev reklam, wê risk û encamên wek reftarên necivakî, cezayê pere yê bikaranîna zêde ya tiryakê û vexwarina zêde ya alkolê, girtin, qeyda sicîlê ya edlî, razana li nexweşxaneyê û nebaşbûna tenduristiya mirov nîşan bidin.’’

Alîkarê Şaredar Sofyan Mbarkî, got: ‘’Ziyaretkar wê bi kêfxweşî bên pêşwazîkirin, lê eger bi kirinên nebaş rabibin û mirov aciz bikin, na.’’

Ji meha Gulanê û pê ve, wê li navçeya Red Lightê li cihên giştî kişandina esrarê qedexe bibe.