YE, ji ber zêdebûna aloziya Ukraynayê, mueyîdeyê nû li ser Rûsyayê ferz dike. Li Parîsê di civîneke taybet de, wezîrên derve yên 27 welatan pêşniyara Komîsyona Yekîtiya Ewropayê û Wezareta Derve erê kirin. Tê payîn ku tedbîrên cezakirinê vê hefteyê, piştî ku amadekariyên teknîkî qediyan, bikeve meriyetê.

Di daxuyaniya çapemeniyê de kiryarên tên hedefkirin wiha hatin ragihandin:

*Naskirina "Komarên Gel" û şandina leşkerên Rûs ji bo hin deveran li ber çavê Yekîtiya Ewropayê " neqanûnî ye û nayê qebûlkirin" Ji ber vê yekê Komîsyon dixwaze der barê kesên ku di van biryaran de cih digirin de bikevin nava tevgerê.

*Bankeyên ku operasyonên leşkerî yên Rûsyayê li van herêman fînanse dikin dê bên cezakirin.

*Divê dewleta Rûsyayê û hikûmeta Rûsyayê ji bo sermaye, bazarên darayî û xizmetguzariyê yên YE‘yê bê astengkirin. Armanc; "sînordarkirina fînansmana tedbîrên zêde û êrîşkar".

*Komîsyon dixwaze qedexeyên bazirganiyê ji bo şerkirina "herêmên veqetandî" bikar bîne. Kesên berpirsyar " divê bi zelalî encamên aborî yên kiryarên xwe yên neqanûnî û êrîşkar hîs bikin".