Wezîr qet behsê nekir bê ka polîsan çawa bajar kiribû qijle, demokrasî betal kiribû, êrîşên dijwar anîbûn û qet behsa bêdadmendiyên ku rêveber û dîktatorên G20’ê rê li ber vedikin nekir.

Wezîr hin çalakvan bi ‘anarşîstên krîmînal’ bi nav kir û got, ev weke ‘neo-nazî’ yan jî ‘terorîstên îslamî’ tevgeriyane.

Di çalakiyên şermezarkirina civîna G20’ê de, yên di dema 7-8’ê Tîrmehê de şer çêbûbû û polîs piştî bi saetan encex karîbûya têkeve kuçeyan.

Di dema civînê de 20 hezar polîs hatibûn peywirdarkirin, hin wesayitên polîsan û yên luks hatibûn şewitandin, çalakgeran berê xwe dabûn kargehan û hin tiştên di nav de ji hêla çalakvanan ve hatibûn belavkirin.

Li gorî Wezareta Navxweyî di dema çalakiyan de 500 polîs birîndar bûne.

Polîsan 225 kes binçav kirin û ji van 185 jê lêpirsîna wan hatiye kirin.

Dijberên Serokwezîr Angela Merkel, lîderê Partiya Demokratên Sosyal Martîn Schûlz gotibû çalakvan weke terorîstan tevgeriyane.