Berdevka Wezareta Karên Derve ya Rûsyayê Marîa Zaharova diyar kir ku welatên Ewropayê yên li dora Sirbistanê qada hewayî li balafira Lavrov girtine.

Zaharova got, "Welatên li dora Sirbistanê, destûr nedan balafira Sergey Lavrov ku biçe Sirbistanê û rêya ragihandinê girtin (...) Heyeta Rûs ji bo hevdîtinê wê bihata Belgradê. Lê belê welatên Yekîtiya Ewropa û NATO'yê, qadên hewayî girtin."

Rojnameya Sirp Vecernje Novostî ragihand ku welatên navborî Bûlgaristan, Makedonya Bakur û Qeredax ên cîranê Sirbistanê ne.

Li gorî nûçeya ajansa nûçeyan a Înterfaxê ku agahiyên xwe dispêre çavkaniyeke dîplomatîk a Rûs, serdana wezîrê Rûs ji ber girtina qada hewayî hate betalkirin.

Sergey Lavrov û Serokdewletê Rûsyayê Vladîmîr Pûtîn jidestpêkirina şerê Ûkraynayê û vir ve ji 25'ê Sibatê ve di hedefa pêkanînên Yekîtiya Ewropayê de ne.